അരികെ

ഒരുനാൾ നീയെന്നരികിലെത്തും
മൃദു സ്മേരങ്ങൾ തൂകിയണയും
പിന്നെ കൈവിരലുരുമ്മി നില്ക്കും
പറയാൻ വിങ്ങലിൽ മൊഴിയറിയാതെ
മിഴികളിൽ ദൃഷ്ടി എറിയും
എൻ മിഴികളിൽ നനവ്‌ഏറും മുൻപേ
നിൻ കപോലങ്ങൾ ജലകണം അണിയും
പിന്നെ നിന്നധരങ്ങളിൽ  കാണും
പ്രശോഭിത നിറചിരി ആയ് മാറും
ആ വസന്തം എൻ മലർവാടിയും അണയും
മന്ദം മാറിൽ നീ ശിരസ്സാഴ്ത്തും
നിൻ  മുടിയിഴകൾ എൻ മുഖമണയും
നിൻ തുടിപ്പുകളെൻ സിരയറിയും
എൻ നെഞ്ചിൻ സ്പന്ദനങ്ങൾ
നിൻ മനമൊട് ചേരും
അരികത്തായ് നാമലിഞ്ഞുതീരും
അകലത്തെയ്ക്കൊന്നായ് അണയും